Ater-Ater Tripurusa

Kawruh Basa Jawa :

ATER-ATER TRIPURUSA

--------------------------

Ing basa Jawa ana ater-ater kang aran ater-ater tripurusa kang cacahe ana telu, yaiku :

1. tak = dak

2. kok = ko = mbok

3. di

Ing basa Indonesia, ater-ater iku padha karo awalan. Merga aran awalan, nulise kudu digandheng karo tembung lingga ( kata dasar ) sing antuk ater-ater iku. Conto :

1. takgawa = dakgawa ( Ing basa Indonesia : kubawa,  nulise ing basa Indonesia uga digandheng , ora dipisah. )

2. kokgawa = kogawa = mbokgawa  ( Ing basa Indonesia : kaubawa, nulise ing basa Indonesia uga digandheng,, ora dipisah.)

3. digawa ( Ing basa Indonesia : dibawa, nulise ing basa Indonesia uga digandheng, ora dipisah ).

Nanging akeh wong kleru nulis  ater-ater 'tak' lan ater-ater  'mbok'  awit nulise dipisah  : tak gawa, mbok gawa. ( Sing bener kaya kang wis katur ing ngarep, kudu digandheng utawa disambung : takgawa ; mbokgawa utawa kokgawa. )

Anehe yen nulis ater-ater 'di' akeh sing bener : digawa ; dipangan ; dikangeni lan sapanunggalane.

Yen ukarane dikramakake, uga tetep digandheng panulise : 

takgawa = kulabeta

mbokgawa = sampeyanbeta

digawa = dipunbeta.

Sumber: FB Djajus Pete