NGUDARASA

NGUDARASA

Dening: Emi Sudarwati

Mas lungguha kene

Idenana dak nyeleh sirah iki ing pangkonmu

Nguntapake lelakon urip esuk mau

Katemben wae keblasuk pangimpen ing tegal bera

Kebacut dak sebar winih kembang Pitung rupa

Ngudi kawruh literasi dumadak basi

Mas lungguha kene

Idenana aku nyendhekake sirah ing pundhakmu

Mustaka kang sansaya abot sanggan paraning

Nggondheli balung tanpa isi

Dhuh Gusti nyuwun pituduh

Margi pener minangka tenger

Ingsun amung mbacutake lakon kang kabacut mrucut

Mugia wonten srengenge abyor

Supaya ora bacut keblinger

Kagubet endhuting paseduluran

Mblasuk ing dalan peteng.

Baureno, 28 September 2020

Rahayu