Mitra Samin

MITRA SAMIN

Dening : Emi Sudarwati

Mitraku sinebut Wong Samin

Minagka cecitraning kamardikan jati

Paring tanpa pamrih

Tan maelu timbal balik

Nadyan tansah dianggep cidra tur ala

Mitraku ora dadi ngapa

Apa artine mahkota kanggomu?

Mitraku tan butuh kursi dampar kencana

Apa arti donya brana kanggomu?

Mitra Saminku tan butuh emas picis raja kaya

Jujur jujur lan jujur

Kabeh kuwi kanggomu ngluwihi donya brana lan kalungguhan

Watak wantahmu kadya mercusuar

Handadekake aku tansah mongkog

Lathimu, kuwi minangka atimu

Tanpa ngilmu, ananging lurus laku

Nangkis prasangka 

Ngugemi budaya adi luhung

Sanajan akeh kang ngendha kuna

Tebih mring gebyaring bumi loka

Nanginging mitraku

Kanggoku sliramu mulya ing bebrayan agung

Donya tumekeng delahan.

Baureno, 03 September 2020

SAMIN, SAUNI-UNINE

Dening : Emi Sudarwati

Kelingan jaman semana

Nalika aku isih ngudi kawruh aneng kana

Adoh saka bumi Bojonegoro

Ya panggonanku luru sandhang, pangan lan papan

Jenenge Samin

Kaaran Nyamin

Wektu iku, Wong Samin dianggep papa

Wong Samin dikira nistha

Ndesani lan ngisin-isini

Wis embuh, sauni-unine

Nanging saiki

Bareng aku urip lan makarya ing kene

Ya ing bumi Bojonegoro

Nyaketi kadang Samin

Nyedhaki mitra kinasih

Sinau tata cara lan suba sitane

Jebul Wong Samin mulya wekasane

Samin, sauni-unine minangka gambaraning atine

Samin. Sauni-unine minangka wujud olah rasa lan pikir

Mila mitraku, aja gampang sira nyepelekake

Kadang Samin tansah ngugemi

Tata krama lan tata susila

Samin sauni-unine

Ya Samin. 

Baureno, 03 September 2020

MANGSA BEDHINDHING

Dening : Emi Sudarwati

Sumriwing hawa atis

Rumesep tumekeng balung sungsum

Nalika nunggang kapal saka ketapang

Tumuju Gilimanuk

Nepusi janji rikala semana

Ya janji kang daksampirake

Sandhuwure pang-pang aking

Bakal bali bebarengan

Kulawangsa tuwin kadang konang

Ketapang, 1 Juli 2020

HAIKU JAWA

Dening : Emi Sudarwati

Kepireng takbir

Saking masjid lan kliling

Sugeng riyadin.

Nata rengginang

Permen kacang lan marning

Suguhan bada.

Nyepakke amplop

Nyangoni bocah cilik

Nambahi berkah.

Ja nganti klalen

Jakat lan pitrah nira

Reresik badan.

Cumepak oncor

Nggo takbir kliling desa

Muji Gustiku.

Bakda shalat id

Nyuwun gung pangapura

Sedaya lepat.

Masak ketupat

Lonthong sayur ra keri

Nggo dhahar kembul.

Baureno, 04 Juni 2020

HAIKU INDONESIA

Dening : Emi Sudarwati

Di sekolahku

Pada hari pertama

Pagu tlah penuh.

Banyaklah anak

Calon peserta didik

Sangat kecewa.

Dua kalinya

Calon siswa pendaftar

Pasti tertolak.

Bulan ramadhan

Kaki begitu ringan

Menuju masjid.

Bulan yang lain

Kaki begitu berat

Menuju masjid.

Baureno, 29 Mei 2020

TEBANG PILIH

Dening : Emi Sudarwati

Sumitra...

Aja gampang ulap mring ukara

Dina-dinane lagi kebak pepaes

Ngapa-apa kasulap edi

Katon endah ing warni.

Baureno, 16 Maret 2019

Biografi Penulis

Emi Sudarwati.  Lahir di Lamongan, 20 November 1975. Mengajar Bahasa Jawa di SMPN 1 Baureno-Bojonegoro, Jatim.  Prestasi tingkat nasional Juara 1 Lomba INOBEL (Inovasi Pembelajaran) kategori SORAK (Seni, Olah Raga, Agama, Muatan Lokal dan Bimbingan Konseling) tahun 2016.  Penerima penghargaan Guru Kreatif Balai Bahasa Jatim tahun 2015.  Koordinator grup patungan buku guru Indonesia. Pegiat Literasi Guru dan Siswa Indonesia.  Buku tunggal karyanya : Novel Ngilon (2014), Inobel (2017), Novel Kinanthi (2017), Kumpula Cerpen Rona Hidup (2018), dan Novel Petualangan Siswa Indigo (2018).