ATI KELARA-LARA

ATI KELARA-LARA

Mas lungguha ing cedhakku kene

Idini dakseleh sirah iki ing pangkonmu

Nguntapake lelakon urip sing lagi wae takprangguli

esuk nalika Srengenge sumunar kencar 

Yagene jangkah iki

keblasuk-blasuk  

pangimpen sing dakdhedher ing tegal bera

wis daksebar winih kembang Pitung rupa

Ngudi kawruh literasi dumadakan dadi langge tan kanyana

Mas lungguha ing pinggirku kene

Idini aku semendhe ing pundhakmu

Pacoban sing daksunggi sansaya abot sanggan paraning 

Nggondheli balung tanpa isi

Dhuh... Gusti nyuwun pitudhuh

Margi pener minangka tenger

Ingsun mung mbacutake lakon kang kabacut mrucut 

ning isih ana tali tetalining rasa kang bapoh nuhoni ilining sedya

Mugya wonten srengenge abyor

Supaya ora kebacut keblinger

Mblasuk ing dalan peteng

Kagubet endhuting paseduluran.

Baureno, 27 September 2020